ಭಾವಪೂರ್ಣ ಶ್ರದ್ಧಾಂಜಲಿ

1. ಪ್ರಧಾನ ಮಂತ್ರಿಯವರ ನಾಯಕತ್ವ ಮತ್ತು ಬಿಮ್‌ಸ್ಟೆಕ್‌ (ಬಿಮ್‌ಸ್ಟೆಕ್) ಗೆ ಹೊಸ ಆವೇಗ: 1997 ರಲ್ಲಿ ಬಿಮ್‌ಸ್ಟೆಕ್‌ (ಬಹು-ವಲಯ ತಾಂತ್ರಿಕ ಮತ್ತು ಆರ್ಥಿಕ ಸಹಕಾರಕ್ಕಾಗಿ ಬಂಗಾಳ ಕೊಲ್ಲಿ ಉಪಕ್ರಮ) ಸ್ಥಾಪನೆಯಾದರೂ, 2016 ರಲ್ಲಿ ಬ್ರಿಕ್ಸ್ ಶೃಂಗಸಭೆಯ ಸಂದರ್ಭದಲ್ಲಿ ಗೋವಾದಲ್ಲಿ ನಡೆದ ನಾಯಕರ ರಿಟ್ರೀಟ್ ಗಾಗಿ ಬಿಮ್‌ಸ್ಟೆಕ್‌ ದೇಶಗಳನ್ನು ಆಹ್ವಾನಿಸಲು ಪ್ರಧಾನಿ ಮೋದಿಯವರು ವಿಶೇಷ ಉಪಕ್ರಮವನ್ನು ತೆಗೆದುಕೊಂಡ ನಂತರ ಈ ಗುಂಪಿಗೆ ನಿಜವಾದ ಉತ್ತೇಜನ ದೊರಕಿತು. ನಂತರ, ಅವರು ಗುಂಪನ್ನು ಪೋಷಿಸಲು ಮತ್ತು ಬಲಪಡಿಸಲು ಮತ್ತು ಅದರ ಮೂಲಕ ಬಂಗಾಳ ಕೊಲ್ಲಿ ಪ್ರದೇಶದಲ್ಲಿ ಪ್ರಾದೇಶಿಕ ಸಹಕಾರಕ್ಕೆ ವೈಯಕ್ತಿಕ ಮತ್ತು ವಿಶೇಷ ಗಮನ ನೀಡಿದ್ದಾರೆ. 2019 ರಲ್ಲಿ, ಅವರು ತಮ್ಮ ಪ್ರಮಾಣವಚನ ಸಮಾರಂಭಕ್ಕೆ ಬಿಮ್‌ಸ್ಟೆಕ್‌ ನಾಯಕರನ್ನು ಆಹ್ವಾನಿಸಿದರು.

2. ⁠ ಬಿಮ್‌ಸ್ಟೆಕ್‌ ಗೆ ಚೈತನ್ಯವನ್ನು ತುಂಬುವ ಪ್ರಧಾನಿಯವರ ದೃಷ್ಟಿಕೋನ ಮತ್ತು ನೀತಿಗಳು: ಬಿಮ್‌ಸ್ಟೆಕ್ ಗುಂಪು ತನ್ನ ಕಾರ್ಯಸೂಚಿಯನ್ನು ಮುನ್ನಡೆಸಲು ಭಾರತದ ನಾಯಕತ್ವವನ್ನು ಅವಲಂಬಿಸಿದೆ. ಭಾರತವು ಮುಂಚೂಣಿಯಲ್ಲಿರುವುದರೊಂದಿಗೆ, ಪ್ರಧಾನಿಯವರು  ʼನೆರೆಹೊರೆ ಮೊದಲುʼ ನೀತಿ, ʼಆಕ್ಟ್‌ ಈಸ್ಟ್‌ʼ ನೀತಿ, ಮಹಾಸಾಗರ್ ದೃಷ್ಟಿಕೋನ ಮತ್ತು ಇಂಡೋ-ಪೆಸಿಫಿಕ್‌ ದೃಷ್ಟಿಕೋನದ ಮೇಲೆ ನೀಡಿದ ಗಮನವು ಗುಂಪಿಗೆ ಹೆಚ್ಚಿನ ಕ್ರಿಯಾಶೀಲತೆಯನ್ನು ನೀಡಿದೆ. ಭಾರತವು ಪ್ರತಿಪಾದಿಸಿದ ನೀತಿಗಳ ಈ ಸಹಯೋಗವು ಸದಸ್ಯ ರಾಷ್ಟ್ರಗಳಿಗೆ ಹೊಸ ಸಮನ್ವಯ ಮತ್ತು ಪ್ರಯೋಜನಗಳನ್ನು ಸೃಷ್ಟಿಸಿದೆ.

3. ⁠ ಪ್ರಧಾನಮಂತ್ರಿಯವರ ನಿರ್ದೇಶನದಲ್ಲಿ ಬಿಮ್‌ಸ್ಟೆಕ್‌ ಬಲವಾದ ಸಾಂಸ್ಥಿಕ ನೆಲೆಯನ್ನು ಪಡೆಯುತ್ತಿದೆ: ಬಿಮ್‌ಸ್ಟೆಕ್‌ ಸೆಕ್ರೆಟರಿಯೇಟ್‌ ಅನ್ನು ಸ್ವಲ್ಪ ಸಮಯದ ಹಿಂದೆ ಸ್ಥಾಪಿಸಲಾಯಿತು, ಆದರೆ ಸಾಂಸ್ಥಿಕ ದೃಷ್ಟಿಕೋನದಿಂದ ಸಂಸ್ಥೆಗೆ ನಿಜವಾದ ಉತ್ತೇಜನವು ಮೇ 2024 ರಲ್ಲಿ ಅದರ ಚಾರ್ಟರ್ ಅನ್ನು ಅಳವಡಿಸಿಕೊಂಡ ನಂತರ ದೊರೆಯಿತು. ಇದು ಅದಕ್ಕೆ ಅಂತರರಾಷ್ಟ್ರೀಯ ವ್ಯಕ್ತಿತ್ವವನ್ನು ನೀಡಿದೆ, ಅದರ ಮಾರ್ಗದರ್ಶಿ ತತ್ವಗಳು ಮತ್ತು ಮೂಲ ಸಾಂಸ್ಥಿಕ ರಚನೆಯನ್ನು ಸ್ಥಾಪಿಸಿದೆ. ಭಾರತವು ಬಹುಪಕ್ಷೀಯ ಕೆಲಸದಲ್ಲಿ ವ್ಯಾಪಕ ಅನುಭವ ಹೊಂದಿರುವ ರಾಜತಾಂತ್ರಿಕ ಶ್ರೀ ಇಂದ್ರಮಣಿ ಪಾಂಡೆ ಅವರನ್ನು ಪ್ರಧಾನ ಕಾರ್ಯದರ್ಶಿಯಾಗಿ ನೇಮಿಸಿದೆ. ಈ ಬೆಳವಣಿಗೆಗಳು ಗುಂಪಿನ ಕೆಲಸಕ್ಕೆ ಹೊಸ ಶಕ್ತಿ, ಉದ್ದೇಶ ಮತ್ತು ಚಟುವಟಿಕೆಯನ್ನು ನೀಡಿವೆ. ಭಾರತವು ಸಂಸ್ಥೆ ಮತ್ತು ಸಾಮರ್ಥ್ಯ ವೃದ್ಧಿಯತ್ತ ಗಮನಹರಿಸಿದೆ. ಈ ಉದ್ದೇಶಕ್ಕಾಗಿ ಬಿಮ್‌ಸ್ಟೆಕ್ ಸೆಕ್ರಟರಿಯೇಟ್‌ ಗೆ 1 ಮಿಲಿಯನ್ ಅಮೆರಿಕನ್ ಡಾಲರ್‌ ನೀಡಿದೆ.

ಭಾರತವು ಜುಲೈ 2024 ರಲ್ಲಿ ಬಿಮ್‌ಸ್ಟೆಕ್ ವಿದೇಶಾಂಗ ಸಚಿವರ ಸಭೆಯನ್ನು ಆಯೋಜಿಸಿತು. ಸೆಪ್ಟೆಂಬರ್ 2024 ರಲ್ಲಿ ನ್ಯೂಯಾರ್ಕ್‌ ನಲ್ಲಿ ವಿಶ್ವಸಂಸ್ಥೆ ಸಾಮಾನ್ಯ ಸಭೆಯ ಸಂದರ್ಭದಲ್ಲಿ ಬಿಮ್‌ಸ್ಟೆಕ್ ವಿದೇಶಾಂಗ ಸಚಿವರ ಅನೌಪಚಾರಿಕ ಸಭೆಯನ್ನು ಸಹ ಆಯೋಜಿಸಿತ್ತು.

4. ⁠ ಬಿಮ್‌ಸ್ಟೆಕ್ ಕಾರ್ಯಸೂಚಿಯ ವಿಸ್ತರಣೆ ಮತ್ತು ಆಳಗೊಳಿಸುವುದು: ಭಾರತದ ನಾಯಕತ್ವ ಮತ್ತು ನಿರ್ದೇಶನದಲ್ಲಿ, ಬಿಮ್‌ಸ್ಟೆಕ್ ಕಾರ್ಯಸೂಚಿಯು ಹಲವು ಪಟ್ಟು ವಿಸ್ತರಿಸಿದೆ. ಬಿಮ್‌ಸ್ಟೆಕ್ ಕಾರ್ಯಕ್ಷೇತ್ರವನ್ನು ಏಳು ವಿಭಾಗಗಳಾಗಿ ವರ್ಗೀಕರಿಸಲಾಗಿದೆ, ಪ್ರತಿ ದೇಶವು ಒಂದನ್ನು ಮುನ್ನಡೆಸುತ್ತದೆ - ಭಾರತವು ಭದ್ರತಾ ವಲಯವನ್ನು ಮುನ್ನಡೆಸುತ್ತಿದೆ. ಇತರ ವಿಭಾಗಗಳೆಂದರೆ: ವ್ಯಾಪಾರ, ಹೂಡಿಕೆ ಮತ್ತು ಅಭಿವೃದ್ಧಿ (ಬಾಂಗ್ಲಾದೇಶ), ಪರಿಸರ ಮತ್ತು ಹವಾಮಾನ (ಭೂತಾನ್), ಕೃಷಿ ಮತ್ತು ಆಹಾರ ಭದ್ರತೆ (ಮ್ಯಾನ್ಮಾರ್), ಜನರು ಜನರ ನಡುವಿನ ಸಂಪರ್ಕ (ನೇಪಾಳ), ವಿಜ್ಞಾನ ಮತ್ತು ತಂತ್ರಜ್ಞಾನ ಮತ್ತು ನಾವೀನ್ಯತೆ (ಶ್ರೀಲಂಕಾ), ಸಂಪರ್ಕ (ಥೈಲ್ಯಾಂಡ್) 

5. ಭಾರತದ ಗಮನ: ಜಾಗತಿಕ ಒಳಿತಿಗಾಗಿ ಪ್ರಾದೇಶಿಕ ಏಕೀಕರಣವನ್ನು ಉತ್ತೇಜಿಸುವುದು.

ಭದ್ರತೆ: ಭಾರತವು ಭದ್ರತಾ ಸ್ತಂಭವನ್ನು ಮುನ್ನಡೆಸುತ್ತಿದೆ. ಈ ಪ್ರದೇಶದಲ್ಲಿ ಭಯೋತ್ಪಾದನೆ, ಹಿಂಸಾತ್ಮಕ ಉಗ್ರವಾದ ಮತ್ತು ಅಂತರರಾಷ್ಟ್ರೀಯ ಅಪರಾಧಗಳ ವಿರುದ್ಧ ಹೋರಾಡಲು ಬಲವಾದ ಕಾನೂನು ಚೌಕಟ್ಟನ್ನು ರಚಿಸಲು ಅದು ಕೆಲಸ ಮಾಡಿದೆ.

ಸಂಪರ್ಕ: ಭೌತಿಕ, ಡಿಜಿಟಲ್ ಮತ್ತು ಇಂಧನ ಸಂಪರ್ಕವನ್ನು ಹೆಚ್ಚಿಸಲು ಇದು ವಿಶೇಷ ಒತ್ತು ನೀಡಿದೆ. ಭಾರತವು ಬೆಂಗಳೂರಿನಲ್ಲಿ ಬಿಮ್‌ಸ್ಟೆಕ್ ಇಂಧನ ಕೇಂದ್ರವನ್ನು ಸ್ಥಾಪಿಸುತ್ತದೆ. ಬಿಮ್‌ಸ್ಟೆಕ್ ಪ್ರಾದೇಶಿಕ ಗ್ರಿಡ್ ಅಂತರ-ಸಂಪರ್ಕವನ್ನು ರಚಿಸುವ ಕೆಲಸವನ್ನು ಕೇಂದ್ರವು ಮಾಡುತ್ತದೆ. ಇದು ಪ್ರಧಾನಮಂತ್ರಿಯವರ 'ಒಂದು ಜಗತ್ತು, ಒಂದು ಸೂರ್ಯ, ಒಂದು ಗ್ರಿಡ್' ದೃಷ್ಟಿಕೋನಕ್ಕೆ ಅನುಗುಣವಾಗಿದೆ.

ಸುಸ್ಥಿರತೆ ಮತ್ತು ವಿಪತ್ತು ನಿರ್ವಹಣೆ: ಜಾಗತಿಕ ಸುಸ್ಥಿರತೆಯ ಕಾರ್ಯಸೂಚಿಗೆ ಬಿಮ್‌ಸ್ಟೆಕ್ ಕೊಡುಗೆ ನೀಡಲು ಭಾರತ ಕೆಲಸ ಮಾಡುತ್ತಿದೆ. ಸದಸ್ಯ ರಾಷ್ಟ್ರಗಳಲ್ಲಿ ಭಾರತ ನಿಯಮಿತವಾಗಿ ವಿಪತ್ತು ನಿರ್ವಹಣಾ ಅಭ್ಯಾಸಗಳನ್ನು ಆಯೋಜಿಸುತ್ತದೆ. ಈ ಪ್ರದೇಶವು ನೈಸರ್ಗಿಕ ವಿಕೋಪಗಳಿಗೆ ಹೆಚ್ಚು ದುರ್ಬಲತೆ ಹೊಂದಿರುವುದರಿಂದ ಗುಂಪಿನ ಸಹಯೋಗದ ಕೆಲಸವು ಮಹತ್ವದ್ದಾಗಿದೆ. ನೋಯ್ಡಾದಲ್ಲಿ ಭಾರತವು ಬಿಮ್‌ಸ್ಟೆಕ್ ಹವಾಮಾನ ಕೇಂದ್ರವನ್ನು ಸಹ ಸ್ಥಾಪಿಸುತ್ತದೆ.

6. ಕಾರ್ಯಪ್ರವೃತ್ತ ಬಿಮ್‌ಸ್ಟೆಕ್: ಭಾರತದ ನಾಯಕತ್ವದಲ್ಲಿ ಬಿಮ್‌ಸ್ಟೆಕ್ ಜನರ ನಡುವಿನ ಸಂಬಂಧಗಳನ್ನು ಉತ್ತೇಜಿಸುವ ಮತ್ತು ಪ್ರಾದೇಶಿಕ ಏಕೀಕರಣವನ್ನು ಬೆಳೆಸುವ ಚಟುವಟಿಕೆಗಳು ಬಿರುಸು ಪಡೆದಿವೆ. ಪ್ರಧಾನಿಯವರು ಯುವಕರನ್ನು ತೊಡಗಿಸಿಕೊಳ್ಳಲು, ಸಂಸ್ಕೃತಿಯನ್ನು ಉತ್ತೇಜಿಸಲು ಮತ್ತು ಪರಿಸರವನ್ನು ಪೋಷಿಸಲು ಹೆಚ್ಚಿನ ಆದ್ಯತೆ ನೀಡಿದ್ದಾರೆ. ಬಿಮ್‌ಸ್ಟೆಕ್ ನಲ್ಲಿ ಈ ಅಂಶಗಳಿಗೆ ಸೂಕ್ತ ಗಮನ ನೀಡಲಾಗುತ್ತಿದೆ. ಇತ್ತೀಚಿನ ಕೆಲವು ಚಟುವಟಿಕೆಗಳು ಹೀಗಿವೆ:

ಫೆಬ್ರವರಿ 2024 ರಲ್ಲಿ ದೆಹಲಿಯಲ್ಲಿ ಬಿಮ್‌ಸ್ಟೆಕ್ ಅಕ್ವಾಟಿಕ್ ಚಾಂಪಿಯನ್‌ಶಿಪ್

ಆಗಸ್ಟ್ 2024 ರಲ್ಲಿ ದೆಹಲಿಯಲ್ಲಿ ಬಿಮ್‌ಸ್ಟೆಕ್ ವ್ಯಾಪಾರ ಶೃಂಗಸಭೆ

ನವೆಂಬರ್ 2024 ರಲ್ಲಿ ಕಟಕ್‌ ನ ಬಲಿ ಜಾತ್ರೆಯಲ್ಲಿ ಬಿಮ್‌ಸ್ಟೆಕ್ ಸಾಂಸ್ಕೃತಿಕ ತಂಡದ ಭಾಗವಹಿಸುವಿಕೆ

ಫೆಬ್ರವರಿ 2025 ರಲ್ಲಿ ಸೂರಜಕುಂಡ್‌ ಮೇಳದಲ್ಲಿ ಬಿಮ್‌ಸ್ಟೆಕ್ ಪೆವಿಲಿಯನ್

ಫೆಬ್ರವರಿ 2025 ರಲ್ಲಿ ಅಹಮದಾಬಾದ್‌ ನಲ್ಲಿ ಬಿಮ್‌ಸ್ಟೆಕ್ ಯುವ ಶೃಂಗಸಭೆ

ಫೆಬ್ರವರಿ 2025 ರಲ್ಲಿ ದೆಹಲಿಯಲ್ಲಿ ಬಿಮ್‌ಸ್ಟೆಕ್ ಯುವ ನೇತೃತ್ವದ ಹವಾಮಾನ ಬದಲಾವಣೆ ಸಮ್ಮೇಳನ

ಫೆಬ್ರವರಿ 2024 ರಲ್ಲಿ ಬಿಮ್‌ಸ್ಟೆಕ್- ಭಾರತ ಸಾಗರ ಸಂಶೋಧನಾ ಜಾಲದ ಆರಂಭ

7. ⁠ಬ್ಯಾಂಕಾಕ್‌ನಲ್ಲಿ ಬಿಮ್‌ಸ್ಟೆಕ್: 2016 ರಲ್ಲಿ ಗೋವಾದಲ್ಲಿ ಬಿಮ್‌ಸ್ಟೆಕ್ ಗೆ ಪ್ರಧಾನಿಯವರ ನಿರ್ದೇಶನವು ಗುಂಪಿನ ಕಾರ್ಯಸೂಚಿಯನ್ನು ಪ್ರತಿಧ್ವನಿಸುತ್ತಿದೆ ಮತ್ತು ರೂಪಿಸುತ್ತಿದೆ. ಬ್ಯಾಂಕಾಕ್‌ ನಲ್ಲಿ ಎರಡು ಗೋವಾ ರಿಟ್ರೀಟ್ ನಿರ್ಧಾರಗಳನ್ನು ಅನಾವರಣಗೊಳಿಸಲಾಗುತ್ತಿದೆ - ಮೊದಲನೆಯದು, ಬಿಮ್‌ಸ್ಟೆಕ್ ವಿಷನ್ 2030 ಅಳವಡಿಕೆ ಮತ್ತು ಎರಡನೆಯದು, ಬಿಮ್‌ಸ್ಟೆಕ್ ಎಮಿನೆಂಟ್ ಪರ್ಸನ್ಸ್ ಗ್ರೂಪ್ ವರದಿಯ ಅಳವಡಿಕೆ.