ನವದೆಹಲಿ: ಮಾನವ ಹಕ್ಕುಗಳು ಮತ್ತು ಪ್ರಜಾಪ್ರಭುತ್ವಕ್ಕೆ ನೀಡಿದ ಕೊಡುಗೆಗಾಗಿ ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಅವರನ್ನು 2025ರ ನೊಬೆಲ್ ಶಾಂತಿ ಪ್ರಶಸ್ತಿಗೆ ನಾಮನಿರ್ದೇಶನ ಮಾಡಲಾಗಿದೆ. ಈ ಘೋಷಣೆಯನ್ನು ಪಾಕಿಸ್ತಾನ್ ವರ್ಲ್ಡ್ ಅಲೈಯನ್ಸ್ (PWA) ಮತ್ತು ನಾರ್ವೇಜಿಯನ್ ರಾಜಕೀಯ ಪಕ್ಷ ಸೆಂಟ್ರಮ್ ಪ್ರಕಟಿಸಿವೆ. ಪಾಕಿಸ್ತಾನ್ ವರ್ಲ್ಡ್ ಅಲೈಯನ್ಸ್ ಡಿಸೆಂಬರ್ 2023 ರಲ್ಲಿ ಸ್ಥಾಪಿತವಾದ ಒಂದು ವಕಾಲತ್ತು ಗುಂಪಾಗಿದೆ. ಈ ಸಂಸ್ಥೆಯು ನಾರ್ವೇಜಿಯನ್ ರಾಜಕೀಯ ಪಕ್ಷ ಪಾರ್ಟಿ ಸೆಂಟ್ರಮ್‌ನೊಂದಿಗೆ ಸಂಪರ್ಕ ಹೊಂದಿದೆ. ಪಾರ್ಟಿ ಸೆಂಟ್ರಮ್ ಸಾಮಾಜಿಕ ಮಾಧ್ಯಮ ವೇದಿಕೆ ಎಕ್ಸ್ (ಟ್ವಿಟ್ಟರ್) ಮೂಲಕ ಈ ವಿಷಯವನ್ನು ಅಧಿಕೃತವಾಗಿ ದೃಢಪಡಿಸಿದೆ.
ತಮ್ಮ ವಿರುದ್ಧದ ಎಲ್ಲಾ ಆರೋಪಗಳನ್ನು ರಾಜಕೀಯ ಪ್ರೇರಿತವೆಂದು ಇಮ್ರಾನ್ ಖಾನ್ ಹೇಳಿದ್ದಾರೆ. ತಾನು ಮತ್ತೆ ಅಧಿಕಾರಕ್ಕೆ ಬರದಂತೆ ತಡೆಯಲು ತನ್ನನ್ನು ಗುರಿಯಾಗಿಸಿಕೊಳ್ಳಲಾಗುತ್ತಿದೆ ಎಂದು ಅವರು ಆರೋಪಿಸಿದ್ದಾರೆ. ಅವರ ಬೆಂಬಲಿಗರು ಈ ನಿರ್ಧಾರಗಳನ್ನು ಪಾಕಿಸ್ತಾನ ಸರ್ಕಾರ ಮತ್ತು ಸೇನೆಯ ಸಂಚು ಎಂದೂ ಹೇಳಿದ್ದಾರೆ.
ನೊಬೆಲ್ ಶಾಂತಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿರುವುದು ಇಮ್ರಾನ್ ಖಾನ್ ಬೆಂಬಲಿಗರಿಗೆ ಮಹತ್ವದ ಜಯ, ಆದರೆ ಅವರ ಕಾನೂನು ಹೋರಾಟ ಇನ್ನೂ ಮುಕ್ತಾಯಗೊಂಡಿಲ್ಲ.
-min.png)