ಪ್ರತಿಭಾ ದಿನಾಚರಣೆ "ಕಲರವ - 2024" : ಬದುಕಿನ ಉತ್ತಮ ಅಂಶಗಳು ಸ್ಫೂರ್ತಿಯಾಗಬೇಕು – ಪಟ್ ಪಟ್ ಪಟಾಕಿ ಶೃತಿ

ಹೊಸಗನ್ನಡ ಸಾಹಿತ್ಯ ಚರಿತ್ರೆಯನ್ನು ಬರೆದಿರುವ ಪ್ರೊ. ಎಲ್.ಎಸ್. ಶೇಷಗಿರಿರಾವ್ ಅವರು ಕನ್ನಡ ಮತ್ತು ಇಂಗ್ಲೀಷ್ ಭಾಷೆಗಳ ಸಾಹಿತ್ಯ ಚರಿತ್ರಕಾರರೆಂದು ಪತ್ರಕರ್ತರು ಮತ್ತು ಅರ್ಥಶಾಸ್ತ್ರ ಪ್ರಾಧ್ಯಾಪಕರಾದ ಎನ್.ಎಸ್.ಶ್ರೀಧರಮೂರ್ತಿ ಅವರು ಅಭಿಪ್ರಾಯಪಟ್ಟರು.

ಕನ್ನಡ ಗೆಳೆಯರ ಬಳಗವು ಸರ್ಕಾರಿ ಕಲಾ ಕಾಲೇಜಿನಲ್ಲಿ ಏರ್ಪಡಿಸಿದ್ದ ಪ್ರೊ.ಎಲ್.ಎಸ್. ಶೇಷಗಿರಿ ರಾವ್ ಜನ್ಮ ಶತಮಾನೋತ್ಸವ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು ಬೆಂಗಳೂರು ವಿಶ್ವವಿದ್ಯಾಲಯ ಪ್ರಕಟಿಸಿದ ಶ್ರೀಸಾಮಾನ್ಯನಿಗೆ ಕನ್ನಡ ಸಾಹಿತ್ಯ  ಚರಿತ್ರೆ ಮಾಲಿಕೆಗೆ ಮೊದಲು ಹೊಸಗನ್ನಡ ಸಾಹಿತ್ಯ ಚರಿತ್ರೆಯನ್ನು ಬರೆದ ಇವರು ಮುಂದೆ ಇದನ್ನು ಪರಿಷ್ಕರಿಸಿ ವಿಸ್ತೃತವಾದ ಸಾಹಿತ್ಯ ಚರಿತ್ರೆಯನ್ನು ಬರೆದಿದ್ದಾರೆ. ಎಲ್.ಎಸ್.ಎಸ್. ಅವರ ಮೂವತ್ತುಸಾವಿರ ಪುಟಗಳನ್ನು ಗಮನಿಸಿದರೆ ಅವರನ್ನು ಮುಖ್ಯವಾಗಿ ಚರಿತ್ರಕಾರರನ್ನಾಗಿ ಗುರುತಿಸಬಹುದಾಗಿದೆ. ದಾಖಲೆ ಪುರಾವೆಗಳಿಲ್ಲದೆ ಒಪ್ಪಿಕೊಳ್ಳದ ಅವರು ತಮ್ಮ ಬರವಣಿಗೆಯಲ್ಲಿ ದಾಖಲೆಗಳನ್ನು ಶೋಧಿಸಿ ಬರೆದಿದ್ದಾರೆ. ಕನ್ನಡ ಸಾಹಿತ್ಯ ಚರಿತ್ರೆ, ಇಂಗ್ಲೀಷ್ ಸಾಹಿತ್ಯ ಚರಿತ್ರೆ, ಗ್ರೀಕ್ ನಾಟಕಗಳು ಹಾಗೂ ಮಹಾಕಾವ್ಯಗಳು ಅವರ ಆಸಕ್ತ ಕ್ಷೇತ್ರಗಳಾಗಿವೆ. ಕನ್ನಡ ಸಾಹಿತ್ಯ ಚರಿತ್ರೆಯಲ್ಲಿ ಸಾಹಿತ್ಯದ ಕಾಲಘಟ್ಟಗಳು, ಸಾಹಿತ್ಯದ ಪ್ರಕಾರಗಳು ಹಾಗೂ ಪ್ರಮುಖ ಕವಿಗಳನ್ನು ಕುರಿತು ವಿಸ್ತೃತವಾಗಿ ಬರೆದಿದ್ದಾರೆ. ಅವರ ಇಂಗ್ಲೀಷ್ ಸಾಹಿತ್ಯ ಚರಿತ್ರೆಯಲ್ಲಿ ಸುದೀರ್ಘವಾದ ಇತಿಹಾಸ, ವಿವಿಧ ಕಾಲಘಟ್ಟಗಳಲ್ಲಿ ಬಂದಂತಹ ಕವಿಗಳು, ಅವರ ಕೊಡುಗೆ ಮತ್ತು ಪ್ರಕಾರಗಳನ್ನು ಸುದೀರ್ಘವಾಗಿ ಬರೆದಿದ್ದಾರೆ. ಗ್ರೀಕ್ ನಾಟಕಗಳು ಹೇಗೆ ಸಾರ್ವಕಾಲಿಕ ಗುಣಗಳನ್ನು ಪಡೆದಿದ್ದಾವೆ, ಮನುಷ್ಯತ್ವಕ್ಕೆ ಅವುಗಳ ಕೊಡುಗೆಯೇನೆಂಬುದನ್ನು ಗುರುತಿಸಿದ್ದಾರೆ. ಮಹಾಕಾವ್ಯಗಳನ್ನು ಕುರಿತು ಜಪಾನನಿಂದ ಪ್ರಾರಂಭಿಸಿ ಪಾಶ್ಚಾತ್ಯ ಮತ್ತು ಭಾರತೀಯ ಮಹಾಕಾವ್ಯಗಳೊಂದಿಗೆ ಹೋಲಿಸುತ್ತಾ ಭಾರತೀಯ ಮಹಾಕಾವ್ಯಗಳ ವೈಶಿಷ್ಟö್ಯವನ್ನು ಎಲ್.ಎಸ್.ಎಸ್. ಅರ್ಥಪೂರ್ಣ ಮತ್ತು ಸೋದಾಹರಣವಾಗಿ ಗುರುತಿಸುತ್ತಾರೆಂದು ವಿವರಿಸಿದರು.

ಕನ್ನಡ ಪ್ರಾಧ್ಯಾಪಕರಾದ ಡಾ.ಬಿ.ಸಿ.ನಾಗೇಂದ್ರಕುಮಾರ್ ಅವರು ಕನ್ನಡದ ಶ್ರೇಷ್ಠ ವಿಮರ್ಶಕರಾದ ಎಲ್.ಎಸ್.ಎಸ್. ಅವರು ವಿಮರ್ಶೆಗೆ ಒಂದು ಮಾದರಿಯನ್ನು ನಿರ್ಮಿಸಿದರು. ಪಾಶ್ಚಿಮಾತ್ಯ ಕವಿಗಳನ್ನು ಕುರಿತ ಒಳನೋಟದ ವಿಮರ್ಶೆ ಕನ್ನಡದಲ್ಲಿ ಬಂದದ್ದು ವಿಶೇಷವಾದುದು. ಟಿ.ಎಸ್.ಎಲಿಯಟ್ಟನನ್ನು ಆರಾಧಿಸುವ ನವ್ಯ ಕಾಲಘಟ್ಟದಲ್ಲಿ ದೊಡ್ಡವರ ಸಾಲಿನ ಮೈನರ್ ಲೇಖಕನೆಂದು ವಸ್ತುನಿಷ್ಠವಾಗಿ ಗುರುತಿಸುವ ಎಲ್.ಎಸ್.ಎಸ್. ಅವರ ಸಾಹಿತ್ಯವನ್ನು ಕುರಿತು ಶತಮಾನೋತ್ಸವ ವರ್ಷದಲ್ಲಿ ಅರ್ಥಪೂರ್ಣವಾದ ಚರ್ಚೆಗಳಾಗಿ ಅವರ ಸಾಹಿತ್ಯ ಎಲ್ಲರಿಗೂ ಮುಟ್ಟುವಂತಾಗಲಿಯೆಂದು ಆಶಿಸಿದರು. ಕಾಲೇಜಿನ ಪ್ರಾಂಶುಪಾಲರಾದ ಡಾ.ಪಿ.ಟಿ.ಶ್ರೀನಿವಾಸ ನಾಯಕರು ಅಧ್ಯಕ್ಷತೆ ವಹಿಸಿದ್ದರು. ಕನ್ನಡ ಗೆಳೆಯರ ಬಳಗದ ಅಧ್ಯಕ್ಷರಾದ ರಾ.ನಂ. ಚಂದ್ರಶೇಖರ ಅವರು ಪ್ರಾಸ್ತಾವಿಕವಾಗಿ ಮಾತನಾಡುತ್ತಾ ಬಳಗವು ಎಲ್.ಎಸ್.ಎಸ್. ಅವರ ಶತಮಾನೋತ್ಸವ ವರ್ಷದಲ್ಲಿ ಪ್ರತಿ ತಿಂಗಳು ಇಡೀ ವರ್ಷ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿರುವುದಾಗಿ ತಿಳಿಸಿದರು. ಕನ್ನಡ ಸಂಘದ ಸಂಚಾಲಕರಾದ ಡಾ. ರುದ್ರೇಶ್ ಅದರಂಗಿ ಸ್ವಾಗತಿಸಿದರು. ಪ್ರೊ.ಎಲ್.ಎಸ್.ಎಸ್. ಅವರ ಪತ್ನಿ ಶ್ರೀಮತಿ ಭಾರತಿ ಶೇಷಗಿರಿ ರಾವ್ ಅವರು ಉಪಸ್ಥಿತರಿದ್ದರು.

ಕನ್ನಡ ಗೆಳೆಯರ ಬಳಗವು ಸರ್ಕಾರಿ ಕಲಾ ಕಾಲೇಜಿನಲ್ಲಿ ಏರ್ಪಡಿಸಿದ್ದ ಪ್ರೊ.ಎಲ್.ಎಸ್. ಶೇಷಗಿರಿ ರಾವ್ ಶತಮಾನೋತ್ಸವ ಕಾರ್ಯಕ್ರಮವನ್ನು ಪತ್ರಕರ್ತರು ಮತ್ತು ಪ್ರಾಧ್ಯಾಪಕರಾದ ಪ್ರೊ. ಎನ್.ಎಸ್.ಶ್ರೀಧರ ಮೂರ್ತಿ ಅವರು ಉದ್ಘಾಟಿಸಿದರು (ಎಡದಿಂದ ಮೂರನೆಯವರು) ಕನ್ನಡ ಸಂಘದ ಕಾರ್ಯದರ್ಶಿ ಡಾ.ರುದ್ರೇಶ್ ಅದರಂಗಿ, ಪ್ರಾಧ್ಯಾಪಕ ಡಾ.ಬಿ.ಸಿ. ನಾಗೇಂದ್ರಕುಮಾರ್, ಕನ್ನಡ ಗೆಳೆಯರ ಬಳಗದ ಅಧ್ಯಕ್ಷ ರಾ.ನಂ.ಚಂದ್ರಶೇಖರ, ಪ್ರಾಂಶುಪಾಲರಾದ ಡಾ.ಪಿ.ಟಿ. ಶ್ರೀನಿವಾಸ ನಾಯಕ ಹಾಗೂ ಶ್ರೀಮತಿ ಭಾರತಿ ಶೇಷಗಿರಿ ರಾವ್ ಅವರು ಉಪಸ್ಥಿತರಿದ್ದರು.