ಕಂಪ್ಯೂಟರ್ ಸಾಕ್ಷರತೆ ಇಂದಿನ ಅಗತ್ಯವಾಗಿದೆ. ಜಾಗತಿಕ ಜಗತ್ತಿ ಪ್ರಚಲಿತ ಬೆಳವಣಿಗೆ ತಿಳಿಯಲು ಗಣಕದ ಅರಿವು ಅನಿವಾರ್ಯವಾಗಿದೆ. ಕನ್ನಡ ಪ್ರಸ್ತುತವಾಗ ಬೇಕಾದರೆ ಗಣಕದಲ್ಲಿ ಕನ್ನಡ ಬಳಕೆ ವ್ಯಾಪಕವಾಗಬೇಕು. ಅದನ್ನು ಮನಗಂಡು ಗಣಕದಲ್ಲಿ ಕನ್ನಡ ತಂತ್ರಾಂಶ ಕಲಿಕೆಯ ಕೋರ್ಸ್ ಆರಂಬಿಸಿರುವ ಸಂಘದ ಈ ಕಾರ್ಯ ಶ್ಲಾಘನೀಯವಾದ್ದು ಎಂದು ಎಚ್.ಎ.ಎಲ್.ಕೇಂದ್ರೀಯ ಕನ್ನಡ ಸಂಘವು ವ್ಯವಸ್ತೆ ಮಾಡಿದ್ದ ‘ಗಣಕದಲ್ಲಿ ಕನ್ನಡ ತಂತ್ರಾಂಶ ಕಲಿಕಾ ತರಗತಿ’ ಉದ್ಘಾಟನೆ ಹಾಗೂ ಮತ್ತು ‘ಮಾಸದ ಮಾತು’ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿದ್ದ ಕನ್ನಡ ಚಿಂತಕ ರಾ.ನಂ. ಚಂದ್ರಶೇಖರ ನುಡಿದರು. ಕನ್ನಡ ಸಾಹಿತ್ಯ ಶ್ರೀಮಂತವಾಗಿದೆ, ಅದರಿಂದ ಕನ್ನಡ ಅನ್ನದ ಭಾಷೆಯಾಗುವುದಿಲ್ಲ. ಕನ್ನಡದಲ್ಲಿ ಇಂದಿನ ಅಗತ್ಯವಾದ ವಿಜ್ಞಾನ-ತಂತ್ರಜ್ಞಾನದ ಜ್ಞಾನವೂ ಸೇರಿದಂತೆ ಎಲ್ಲ ವಿಷಯಗಳು ಕನ್ನಡದಲ್ಲಿ ಸಿಗುವಂತಾದರೆ ಕನ್ನಡ ಅನ್ನದ ಭಾಷೆಯಾಗುತ್ತದೆ. ಆ ನಿಟ್ಟಿನಲ್ಲಿ ಜಗತ್ತಿನ ಜ್ಞಾನಗಳಿಗೆ ಕಿಂಡಿಯಾಗಿರುವ ಗಣಕದ ಅರಿವು ಮೂಡಿಸುವ ಈ ಕೆಲಸ ಮೊದಲ ಹೆಜ್ಜೆಯಾಗಿದೆ ಎಂದರು.
ಎಚ್.ಎ.ಎಲ್. ಕಾರ್ಮಿಕ ಸಂಘದ ಅಧ್ಯಕ್ಷ ಮಹೇಶ್ ಅಂಗಡಿಯವರು ಮಾತನಾಡಿ ಕನ್ನಡ ಕೆಲಸಗಳಿಗೆ ಕಾರ್ಮಿಕ ಸಂಘದ ಬೆಂಬಲ ಇರಲಿದೆ. ಆಡಳಿತ ವರ್ಗವು ಕನ್ನಡ ಸಂಘಟನೆಗಳ ಕೆಲಸಗಳಿಗೆ ತಾಯಿ ಸ್ಥಾನದಲ್ಲಿ ನಿಂತು ಪ್ರೋತ್ಸಾಹಿಸುವಂತೆ ಈ ವೇದಿಕೆಯ ಮೂಲಕ ಕೋರುವುದಾಗಿ ತಿಳಿಸಿದರು
ಕನ್ನಡ ನಾಡು ವೀರ ವನಿತೆಯರ ಬೀಡು:
ಎರಡು ಸಾವಿರ ವರ್ಷಗಳ ಹಿಂದಿನ ಆಶೋಕನ ಶಾಸನಗಳಲ್ಲಿ ಕನ್ನಡನಾಡಿನ ವನಿತೆಯರ ವೀರಗಾಥೆಗಳ ಉಲ್ಲೇಖವಿದೆ ಎಂದು ‘ಕನಾಟಕದ ವೀರ ವನಿತೆಯರು’ ಎಂಬ ಉಪನ್ಯಾಸ ನೀಡಿದ ಡಾ. ಸಂಧ್ಯಾ ವಿ. ಹೇಳಿ ಚಾಲುಕ್ಯರ ಕಾಲದ ವಿಜಯ ಭಂಡಾಲಿಕೆಯಿಂದ ಕಿತ್ತೂರು ರಾಣಿ ಚನ್ನಮ್ಮನವರೆಗೆ ನೂರಾರು ವೀರ ವನಿತೆಯರು ತಮ್ಮ ಶೌರ್ಯದಿಂದ ಕರ್ನಾಟಕದ ಹಿತವನ್ನು ಕಾಪಾಡಿದ್ದಾರೆ, ಮೊಘಲರು, ಮರಾಠರು, ಬ್ರಿಟೀಷರುಗಳನ್ನು ಸೋಲಿಸಿದ್ದಾರೆ. ಆದರೆ, ಅವುಗಳನ್ನು ಜನರಿಗೆ ತಲುಪಿಸುವ ಕೆಲಸ ಆಗಿಲ್ಲ ಎಂದರು.
ಪ್ರಾರಂಭದಲ್ಲಿ ಮಾನವ ಸಂಪನ್ಮೂಲ ಇಲಾಖೆ ಮಹಾವ್ಯವಸ್ಥಾಪಕ ಎಂ.ಜಿ. ಬಾಲಸುಬ್ರಮಣ್ಯ ‘ಗಣಕದಲ್ಲಿ ಕನ್ನಡ ತಂತ್ರಾಂಶ ಕಲಿಕಾ ತರಗತಿ’ ಉದ್ಘಾಟಿಸಿದರು. ಸಂಘದ ಅಧ್ಯಕ್ಷ ಡಿ ರಾಜೇಶ್ ಅವರು ಪ್ರಾಸ್ತಾವಿಕ ಮಾತುಗಳನ್ನಾಡಿ ಸಂಘದ ಸದಸ್ಯರ ಹಂಬಲಕ್ಕೆ ಬೆಂಬಲಿಸಿ ನಾಡಿನ ಕೈಗಾರಿಕೆಗಳಲ್ಲಿ ಪ್ರಥಮಬಾರಿಗೆ ಕನ್ನಡವನ್ನು ಗಣಕದಲ್ಲಿ ಕಲಿಸುವ ತರಗತಿಯನ್ನು ಸಂಘ ಆರಂಬಿಸಿದೆ. ಇದರ ಉಪಯೋಗವನ್ನು ಸಂಘದ ಸದಸ್ಯರು, ಕುಟುಂಬದವರು ಪಡೆದುಕೊಳ್ಳಬೇಕೆಂದರು. ಸಂಘದ ಕಾರ್ಯದರ್ಶಿ ದೇವರಾಜ್ ಕೆ.ಡಿ. ಸ್ವಾಗತಿಸದರು. ಸಮಾರಂಭದಲ್ಲಿ ಕರ್ನಾಟಕ ಕಾರ್ಮಿಕಲೋಕದ ಬಿ.ವಿ.ರವಿಕುಮರ್ ಮತ್ತು ಕಾರ್ಖಾನೆಯ ವಿವಿದ ಸಂಘಟನೆಗಳ ಪದಾಧಿಕಾರಿಗಳು ಉಪಸ್ಥಿತರಿದ್ದರು. ಪ್ರಧೀಪ್ ಕುಮಾರ್ ಕಾರ್ಯಕ್ರಮ ನಿರೂಪಿಸಿದರು .
ದೇವರಾಜ್ ಕೆ.ಡಿ
ಕಾರ್ಯದರ್ಶಿ
ಎಚ್.ಎ.ಎಲ್.ಕೇಂದ್ರೀಯ ಕನ್ನಡ ಸಂಘ
-min.png)